ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿ ԵՆԹԱԿԱՌՈՒՑՎԱԾՔՆԵՐԻ ԵՎ ԲՆԱԿԱՆ ՊԱՇԱՐՆԵՐԻ ՆԱԽԱՐԱՐՈՒԹՅՈՒՆ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿ ԵՆԹԱԿԱՌՈՒՑՎԱԾՔՆԵՐԻ ԵՎ ԲՆԱԿԱՆ ՊԱՇԱՐՆԵՐԻ ՆԱԽԱՐԱՐՈՒԹՅՈՒՆ
Երևանի ՀՇԳՑԷ նախագծի իրականացման Գլխավոր կապալի պայմանագիրը ստորագրվել է 2007թվականի սեպտեմբերի 30-ին:
Պատվիրատուն “Երևանի ՋԷԿ” ՓԲԸ-ն է, խորհրդատուն` TEPSCO LTD-ն է(Ճապոնիա), գլխավոր կապալառուն` Mitsui & Co., LTD (Ճապոնիա) և GS Engineering & Construction (Հարավային Կորեա) կոնսորցիումը:
Էլեկտրակայանի տեխնիկական տվյալներն են.
Էլեկտրակայանի դրվածքային /էլեկտրական և ջերմային/ ընդհանուր հզորությունը- 271,7 ՄՎտ
Էլեկտրակայանի դրվածքային էլեկտրական հզորությունը-242 ՄՎտ
Էլեկտրակայանի ջերմային հզորությունը-434,9 ԳՋ/ժ
Հայաստանում գործող ջերմաէլեկտրակայանների համեմատ նոր էլեկտրակայանը մեկ կՎտժ էլեկտրաէներգիայի արտադրության համար կծախսի 2,0-2,3 անգամ պակաս վառելիք (բնական գազ):
Նույն դրվածքային հզորությունների դեպքում գործող էլեկտրակայանների համեմատ, նոր էլեկտրակայանը կունենա ավելի ցածր արտանետումներ.
ազոտի օքսիդներ (NOx)` շուրջ 9 անգամ պակաս, ածխաթթու գազ (CO2)` մոտ 2 անգամ պակաս, ածխածնի օքսիդ (CO)` մոտ 38 անգամ պակաս, ջրօգտագործում` 3,6 անգամ պակաս :
Երևանի ՀՇԳՑԷ-ի գազատուրբինը և օժանդակ սարքավորումները Alstom ընկերության արտադրության են, իսկ շոգետուրբինն ու օժանդակ սարքավորումները` Fuji ընկերության արտադրության: Ծրագրի սկզբից Հայաստան են ներկրվել շուրջ 8070 տ մետաղական կոնստրուկցիաներ և շուրջ 3000 տ սարքավորումներ: Ծանր սարքավորումները Հայաստան են ներկրվել АН-225 Мрия (2 չվերթ) և АН-124 Руслан (5 չվերթ) իքնաթիռներով: Կատարվել են շուրջ 20 հազ խորանարդ մետր բետոնային աշխատանքներ:
Շինարարական և կառուցապատման աշխատանքները ավարտված են: ՀՀ կառավարության որոշմամբ ստեղծված /աշխատանքներն ընդունող/ միջգերատեսչական հանձնաժողովն արդեն տվել է եզրակացություն այն մասին, որ կայանը պատրաստ է շահագործման :
ՀՀ էներգետիկայի և բնական պաշարների նախարար Արմեն Մովսիսյանն իր ելույթում նշեց. “Էլեկտրակայանի գործարկման շնորհիվ կբարձրանա ՀՀ էներգահամակարգի հուսալիությունը, կօպտիմալացվեն էլեկտրաէներգիայի փոխհոսքերը, որի շնորհիվ կկրճատվեն էլեկտրական էներգիայի կորուստները էլեկտրական ցանցերում: Դրանից բացի, այսօր հանրապետությունում գործող ջերմային էլեկտրակայանների համեմատ նոր էլեկտրակայանը կունենա զգալի բարձր բնապահպանական ցուցանիշներ”:
Նախարարը շեշտեց նաև, որ Երևանի ՀՇԳՑԷ-ի կառուցման ընթացքում Հայաստանում ներդրվեց շինարարական, մոնտաժային, կարգաբերման ու շահագործման աշխատանքների կազմակերպման և իրականացման նոր մշակույթ: